Qazaqstanǵa zańsyz 22 tonna temeki ákelgen adam sottaldy

NUR-SULTAN.QazAqparat – Qazaqstanǵa 22 tona temekini «jalǵan tranzıt» arqyly zańsyz alyp kelgen adam bas bostandyǵynan aıyryldy, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.

Baspasóz málimetterine qaraǵanda, Mańǵystaý oblysy boıynsha qarjylyq monıtorıng agenttiginiń aýmaqtyq departamentiniń qyzmetkerleri osy áreketke qatysty isti tergeýdi aıaqtady.

Aıypty dep tanylǵan adam aldyn ala daıyndalǵan qylmystyq jospar boıynsha Mańǵystaý oblysynyń «Quryq» teńiz portynan Jambyl oblysyna deıin Qazaqstan Respýblıkasynyń aýmaǵy arqyly «Ázirbaıjannan Aýǵanstanǵa» tranzıtke jalǵan málimdelgen temekilerdi bar júk kóligin aıdaǵan, alaıda ol Almaty oblysynyń aýmaǵynda zańsyz júk túsirý kezinde qylmys ústinde ustaldy.

«Sot bas bostandyǵynan aıyrý jazasyn taǵaıyndady, paıdalanylǵan júk kóligi men zańsyz ákelingen temekiler memleket kirisine aınaldyryldy»,-delingen habarlamada.