Qazaqstanǵa zańsyz ákelingen smartfondardy «qara tizimnen» shyǵarýǵa bola ma

ASTANA. KAZINFORM — Endi shetelden elimizge ákelinetin abonenttik qurylǵylardyń «aq», «sur» jáne «qara» tizimi paıda bolady.

телефон импортталды
Фото: uza.uz

Tsıfrlyq damý, ınnovatsııalar jáne aeroǵarysh ónerkásibi mınıstrliginde onlaın ótken brıfıng barysynda «Eger uıaly telefon «qara» tizimge ense, ony buǵattan shyǵaryp, «aq» tizimge qosýǵa bola ma? degen saýal qoıyldy. 

— Eger qurylǵy iske qosylǵannan keıin 30 kún ishinde verıfıkatsııadan ótpese, ol qara tizimge engiziledi. Mundaı qurylǵyny portalda sátti verıfıkatsııadan ótkizý arqyly qalpyna keltirýge múmkindik bar. Keıde qurylǵyny verıfıkatsııalaýdy umytyp ketý nemese ýaqytynda úlgermeý jaǵdaıy bolady. Mundaı jaǵdaıda, jeńildik merziminen keıin de, ony «aq» tizimge qosyp, tirkeý múmkindigi bar, — dep jaýap berdi Memlekettik radıojelilik qyzmetiniń ókili Sáýle Temirhan.

Degenmen qara tizimnen shyǵarý smartfondy shetelden ózińiz ákelgen jaǵdaıda ǵana múmkin, ıaǵnı qurylǵyny ákelgenin rastaıtyn aqparat bolýy tıis. 

— Al eger siz qurylǵyny Qazaqstan aýmaǵynda satyp alyp, onyń ákelinýine qatysty aqparatty bilmeseńiz, onda qara tizimnen shyǵarý múmkin emes. Eger qurylǵyny satýshy ákelgen bolsa, ol ózi tirkeı alady, — deıdi maman.

Buǵan deıin elimizge zańsyz ákelingen smartfondar qymbattaýy múmkin ekendigin habarlaǵan edik. 

Aıta ketsek, qazaqstandyqtarǵa smartfondy resmı tirkeýge eki aı ýaqyt berildi, odan keıin tirkelmegen uıaly qurylǵylar buǵattalady. 

Eske salaıyq, jyl basynda elimizde abonenttik qurylǵylardyń «aq», «sur» jáne «qara» tizimi paıda bolatyny týraly habarlaǵan bolatynbyz. 

Сейчас читают