Qazaqstanǵa ushyp kelgen jolaýshylardyń barlyǵynda PTR-anyqtama bar

NUR-SULTAN. QazAqparat - 27 sáýirde Qazaqstan Respýblıkasynyń aýmaǵyna Germanııa, Ulybrıtanııa, Maldıv Respýblıkasy, BAÁ, Mysyr, Túrkııa, Ońtústik Koreıa, Ýkraına, Reseı, Tájikstan, Ózbekstan jáne Qyrǵyzstannan 25 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetinen málim etkendeı, ótken bir táýlikte elimizge 3 244 avıajolaýshy keldi. Olardyń barlyǵynda koronavırýsqa PTR testileý týraly anyqtama bolǵan.

Onyń ishinde:

- Almaty qalasynyń áýejaıyna – 12 reıs, 1 813 jolaýshy;

- Nur-Sultan qalasynyń áýejaıyna – 8 reıs, 735 jolaýshy;

- Shymkent qalasynyń áýejaıyna – 4 reıs, 548 jolaýshy;

- Aqtaý qalasynyń áýejaıyna – 1 reıs, 148 jolaýshy.

27 sáýir kúni 10 elden 4179 adam ushyp kelgen bolatyn. Barlyǵynda koronavırýsqa PTR-anyqtama boldy.

Eske salaıyq, mindetti PTR-testileý baǵasy shetelge shyǵatyn qazaqstandyqtardyń týrpaket qunyna engizildi.

Sebebi shetelde demalyp kelgen qazaqstandyqtardyń 80 paıynan koronavırýs anyqtalǵan bolatyn.

Osyǵan oraı, PTR-anyqtamasy joq týrısterdi Qazaqstanǵa kirgizbeý sheshimi qabyldandy.