Qazaqstanǵa ushyp kelgen jolaýshylardan koronavırýs tabylǵan joq

NUR-SULTAN. QazAqparat – Tótenshe jaǵdaıdan keıin Qazaqstanǵa shetelden ushyp kelgen jolaýshylardan koronavırýs tabylǵan joq. QR Densaýlyq saqtaý mınıstrliginiń kóliktegi bas sanıtar dárigeri Sádýaqas Baıǵabylov osylaı dep málim etti, dep habarlaıdy QazAqparat tilshisi.

OKQ-daǵy baspasóz máslıhatynda Sádýaqas Baıǵabylov úshinshi sanatqa jatatyn memlekettermen ushaq qatynasy múlde toqtatylǵanyn málim etti.

«Evakýatsııalyq jáne charterlik reıstermen Qazaqstanǵa Túrkııadan 17 áýe reısi oryndaldy. 2 163 jolaýshy keldi. Onyń 465-de anyqtamasy bar. Jalpy ushý barysynda jolaýshylardan anketa alynatynyn jáne áýejaıda baılanyssyz termometrııa júrgiziletinin aıta ketý kerek. Kelgen jolaýshylardan dene qyzýy nemese KVI belgileri anyqtalǵan joq», - dedi Sádýaqas Baıǵabylov.

Eske sala ketsek, Sádýaqas Baıǵabylov buǵan deıin Qazaqstan turaqty áýe reısin qalpyna keltiretin elderdiń tizimin uzartyp jatqanyn habarlaǵan edi.