Qazaqstanǵa ushatyn máskeýlik reıster basqa áýejaıǵa aýystyryldy
ASTANA. QazAqparat - Reseıden Qazaqstanǵa ushatyn úsh reıs Máskeýdiń Domodedovo áýejaıynan Vnýkovo áýejaıyna aýystyryldy, dep habarlaıdy QazAqparat Reseı Federatsııasynyń Qazaqstandaǵy elshiligine silteme jasap.
6 qyrkúıekten bastap, SCAT áýe kompanııasynyń Aqtóbe-Máskeý reısi Vnýkovo áýejaıy arqyly ushpaq. Buǵan deıin ushaqtar Domodedovo áýejaıyna ushyp keletin.
Reıster aptasyna eki ret, senbi jáne juma kúnderi ushyrylatyn bolady. Máskeýden ushý ýaqyty senbi kúni 15:50-de, juma kúni - 11:40-ta bolmaq. Jol júrý ýaqyty 2 saǵat, 20 mınýt. Jolaýshylar úshin Bombardier CRJ 200 áýe kemesi qyzmet etetin bolady.
Taǵy bir aıta keterligi, qazan aıynyń sońyna deıin Aqtaý men Shymkent reısteri de Domodedovodan Vnýkovoǵa aýystyrylady.
