Qazaqstanǵa ushaqpen kelgen eki jolaýshydan KVI anyqtaldy

NUR-SULTAN. QazAqparat - 2021 jyldyń 24 naýryzynda Qazaqstan Respýblıkasynyń aýmaǵyna Germanııa, Italııa, Maldıv Respýblıkasy, Koreıa Respýblıkasy, BAÁ, Mysyr, Túrkııa, Monǵolııa, Reseı Federatsııasy, Belarýs Respýblıkasy, Tájikstan, Ózbekstan jáne Qyrǵyzstannan 42 halyqaralyq áýe reısi keldi, dep habarlaıdy Sanıtarııalyq - epıdemıologııalyq baqylaý komıteti.

5 176 áýe jolaýshylarynyń ishinde PTR-testileýdiń teris nátıjesi bar anyqtamamen 5 133 adam, anyqtamasyz 43 QR azamattary keldi.

Onyń ishinde:
Almaty qalasynyń áýejaıyna – 22 reıs, 2 813 jolaýshy, anyqtamamen - 2 781, anyqtamasyz - 32;
Nur-Sultan qalasynyń áýejaıyna – 7 reıs, 727 jolaýshy, anyqtamamen - 716; anyqtamasyz - 11;
Shymkent qalasynyń áýejaıyna – 9 reıs, barlyq 1 115 jolaýshy anyqtamamen kelgen;
Aqtaý qalasynyń áýejaıyna – 3 reıs, barlyq 471 jolaýshy anyqtamamen kelgen;
Oral qalasynyń áýejaıyna – 1 reıs, barlyq 50 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

2021 jyldyń 23 naýryzynda shetelden anyqtamasyz kelgen 32 QR azamatynyń PTR-taldaý nátıjeleri boıynsha eki jolaýshydan koronavırýstyq ınfektsııa anyqtaldy. Onyń ishinde bir jolaýshy Stambýl – Almaty reısimen, ekinshi jolaýshy Kıev – Nur-Sultan reısimen kelgen.