Qazaqstanǵa uran emes, tıimdi basqarý qajet – saıasattanýshy

Onyń aıtýynsha, partııanyń negizgi maqsaty – adamı kapıtaldy damytý jáne qoǵam múddesine jumys isteıtin ekonomıka qalyptastyrý.

– Ekonomıka búkil qoǵamnyń ıgiligine qyzmet etýi tıis. Memleket qoldaýǵa muqtaj azamattarǵa kómektesip, sonymen birge eńbekqorlyq pen jaýapkershilik mádenıetin nyǵaıtýy qajet, – dedi saıasattanýshy.

Shıbýtov kemsitýshiliktiń kez kelgen túrine jol bermeý, azamattardyń shyǵý tegine nemese ózge de belgilerine qaramaı teń qaraý mańyzdy ekenin atap ótti.

Sondaı-aq ol qoǵamdyq turaqtylyq pen quqyqtyq mádenıettiń mańyzyna da toqtaldy.

– Qoǵamda anarhııaǵa, quqyqtyq nıgılızmge jáne arazdyqty qozdyrýǵa jol berilmeýi tıis. El zań men tártipke, ózara qurmet pen azamattyq kelisimge súıenip damýy kerek, – dedi ol.

Saıasattanýshy partııa ıdeologııasynyń negizgi qaǵıdattaryn da atap ótti:

• qoǵamnyń birlesip damýyn kózdeıtin yntymaqtastyq;

• popýlızmniń ornyna ıdeıalar men qundylyqtardyń basymdyǵy;

• bilimge, eńbekke jáne jetistikterge baılanysty bolatyn merıtokratııa;

• azamattardyń qoǵamdyq jáne saıası ómirge qatysýyna múmkindik beretin jelilik uıymdyq qurylym.

Onyń aıtýynsha, partııa baǵdarlamasy «jaýapty, zamanaýı Qazaqstandy» qalyptastyrýǵa baǵyttalǵan. Munda basty qundylyqtar – ashyq saıasat, tıimdi basqarý jáne azamattyq belsendilik.

– Ádiletti Qazaqstan – bılik qoǵam aldynda esep beretin, ekonomıka el damýyna qyzmet etetin, al azamattar óz bolashaǵyna jaýapkershilikpen qaraıtyn memleket, – dedi Marat Shıbýtov.

Aıta keteıik, «Ádilet» partııasynyń tóraǵasy bolyp Aıbek Dádebaı saılandy.