Qazaqstanǵa úndistandyqtar kóp saıahattap kelýde- Kazakh Tourism
ASTANA. QazAqparat - «Kazakh Tourism» ulttyq kompanııasy týrıstik sala boıynsha 2018 jyldyń alǵashqy jartyjyldyǵyn qorytyndylady, dep habarlaıdy QazAqparat tilshisi.
Jumys nátıjeleri QR Ulttyq ekonomıka mınıstrligi Statıstıka komıtetiniń derekteri negizinde jasalǵan.
Jyldyń birinshi toqsanynda Qazaqstanǵa kelgen sheteldikter sany 1,78 mln adamdy qurady, ıaǵnı 2017 jyldyń sáıkes kezeńimen salystyrǵanda 29,4% ósim bar.
«Kazakh Tourism» ulttyq kompanııasynyń pikirinshe, bul oraıda barlyq memleket arasynan Úndistandy erekshe atap ótýge bolady. Sebebi, 2018 jyldyń alǵashqy úsh aıynda Qazaqstanǵa kelgen týrısterdiń 68% - úndistandyqtar. Sondaı-aq, elimizde Polsha (35%), Iran (12%), Germanııa jáne Ońtústik Koreıa (7%) týrısteri kóbeıip keledi.
El ishinde saıahattaýdy qalaıtyn qazaqstandyqtardyń sany 6,8% artyp, 1 mln 86 myń adamdy quraǵan.
Týrızm ındýstrııasynyń negizgi kórsetkishteriniń biri jatatyn orynmen (qonaq úıler, demalys úıler, motelder, balalar lagerleri, týrıstik bazalar jáne basqalary) qamtý qyzmetiniń kólemi bolyp sanalady. Ulttyq kompanııa málimetterine sáıkes, 2018 jyldyń qańtar-naýryz aılarynda 2017 jylǵy kezeńmen salystyrǵanda bir mıllıardtan astam teńgege qyzmet kórsetilgen. Nətıjesinde bul kórsetkish 19,1 mlrd teńgege jetken. Bul Táýelsiz Qazaqstannyń barlyq kezeńindegi eń jaqsy nátıje, dep atap ótti «Kazakh Tourism» ulttyq kompanııasy.
