Qazaqstanǵa Túrki memleketteri uıymynyń sheńberinde elektoraldyq yntymaqtastyq ne úshin qajet
ASTANA. KAZINFORM – 2025 jylǵy 14 mamyrda Túrkistan qalasynda Túrki memleketteri uıymyna múshe elderiniń ortalyq saılaý organdarynyń konsýltatıvtik platformasy týraly ereje qabyldandy.
— Bul Qazaqstan Prezıdenti 2023 jyly Túrki memleketteri uıymynyń sammıtinde usynǵan bastamanyń jalǵasy. Qujatqa qol qoıý túrki memleketteriniń Ortalyq saılaý komıssııa basshylarynyń, halyqaralyq uıymdar men ǵylymı qaýymdastyq ókilderiniń qatysýymen keńeıtilgen formatta ótti. Oqıǵa tehnıkalyq sıpatta kóringenimen, strategııalyq mańyzy zor, — dep jazdy Qazaqstannyń strategııalyq zertteýler ınstıtýtynyń sarapshysy Aıdar Qurmashev Telegram paraqshasynda.
Sarapshynyń aıtýynsha, sońǵy jyldary Túrkistan halyqaralyq kezdesýler ótetin mańyzdy alańǵa aınalyp keledi, bul joly ol tek mádenı turǵyda ǵana emes, ınstıtýtsıonaldyq deńgeıde de óz mártebesin nyǵaıtty.
— Qazaqstan Túrki memleketteri uıymyna múshe elder arasyndaǵy ózara is-qımyldyń pragmatıkalyq formatyn alǵa tartý úshin osyndaı is-sharalardy paıdalanyp otyr. Bul deklaratıvti emes, naqty rásimder men nátıjelerge baǵyttalǵan qadam, — dedi ol.
Sondaı-aq Aıdar Qurmashev saılaý taqyryby — eldiń ishki isine aralaspaı, qaýipsiz, ortaq tásilderdi talqylaýǵa bolatyn sala.
— Qazaqstan yntymaqtastyqty tájirıbe almasý, saılaýdy baıqaý, ádistemelik materıaldar ázirleý arqyly qurýdy usynyp otyr. Bul jumys isteıtin, túsinikti sala, munda ártúrli saıası júıedegi elder tynysh ári nátıjeli qarym-qatynas ornata alady. Nelikten Túrki memleketteri uıymynyń baıqaý mıssııasyn odan ári damytýdy oılamasqa? — delingen jarııalanymda.
Sarapshynyń pikirinshe, elektoraldyq organdar platformasy túrki yntymaqtastyǵyn júıeli jáne saıası konıýnktýraǵa az táýel etedi.
— Qazaqstan úshin óńirlik bastamalardyń uzaqmerzimdi jumys isteýi qujattar, kezdesýler men kásibı jeliler arqyly mańyzdy. Sondyqtan da memleketter arasynda senim men boljamdylyq ınfraqurylymyn qalyptastyrý, yntymaqtastyqtyń kóldeneń tinin kúsheıtý qajet, — dep túıindedi A. Qurmashev.
Aıta keteıik, búgin Prezıdent Túrki memleketteri uıymynyń beıresmı sammıtine qatysý úshin Býdapeshtke bardy.
Kári qurlyqtaǵy túrki tektes el – Majarstanda Túrki memleketteri uıymynyń beıresmı sammıtinde qandaı dúnıeler talqylanýy múmkin? Kazinform-nyń analıtıkalyq sholýshysy osy taqyryp jóninde tolǵap kórdi.
Tolyǵyraq myna siltemeden oqı alasyz.