Qazaqstanǵa týrıster kóbine qaı elderden kelip jatyr

ASTANA. KAZINFORM — Shetelden keletin týrısterdiń kóbisi 30-50 jas aralyǵynda. Bul týraly QR Týrızm jáne sport mınıstrligi Týrızm ındýstrııasy komıteti tóraǵasynyń mindetin atqarýshy Nurbol Baıjanov málim etti.

- Týrıstik sala úshin sheteldik týrıstiń portreti týraly aqparattyń bolýy mańyzdy. Bul bıznes pen óńirlerdiń dálirek jáne tıimdi jumys isteýine kómektesedi. Osy máselede biz E-qonaq júıesiniń derekterin basshylyqqa alamyz. Oǵan qaraǵanda, shetelden keletinderdiń kóbisi 30-50 jas aralyǵynda. Jalpy, týrıster ishinde er adamdar basym (71%), - dedi N. Baıjanov Ortalyq kommýnıkatsııalar qyzmetindegi baspasóz másıhatynda.

Onyń aıtýynsha, sheteldikterdiń kóbi Reseıden (40%), Ózbekstannan (22%), Qytaıdan (22%), Úndistannan (5%), Germanııadan (3,6%), Ońtústik Koreıadan (2,6%) jáne arab elderinen keledi.

- Byltyr Qazaqstan 14 halyqaralyq týrıstik kórmede stend usyndy. Úsh kórmege Kazakh Tourism, qalǵandaryna Almaty, Astana qalalary, Almaty, Mańǵystaý, Túrkistan jáne Aqmola oblystary qatysty. Barlyq óńirler Kazakh Tourism-men tyǵyz yntymaqtastyqta jumys istedi. Al bıyl 12 halyqaralyq týrıstik kórmege qatysý josparlanǵan, - dedi komıtet basshysy.

Budan buryn habarlanǵandaı, 2025 jyly Qazaqstanǵa týrıst retinde 15,7 mln sheteldik keldi.