«Qazaqstanǵa túkirgenim bar» degen reseılik ánshi halyqtan keshirim surady
ASTANA. QazAqparat - Reseıdiń Serebro tobynyń ánshisi Olga Serıabkına Qazaqstan halqynyń renishin týdyrdy. Ol Life telearnasynda tikeleı efırde «Qazaqstanǵa túkirgenim bar» dep qalǵan. Osydan soń ánshiniń Instagramdaǵy paraqshasyna qarsy pikirler qarsha boraǵan.
«Búkil Qazaqstannyń saǵan túkirgeni bar», «Eshqashan Qazaqstanǵa kelme!» degen syndy pikir jazǵan ánshige áleýmettik jeli qoldanýshylary.
Sondaı-aq, tyńdarmandar ánshiniń Qazaqstanda kontsertin qoıýǵa baıkot jarııalaý týraly usynys jasaǵan.
Aıta keteıik, Olga Serıabkına men Ekaterına Kışýk Mortal Kombat oıynyn oınap otyryp, jeli qoldanýshylarynyń suraǵyna jaýap berý kerek bolǵan. Baǵdarlama júrgizýshisi «Qazaqstan...» dep bastalatyn suraqty qoıa bergende, ánshi «Qazaqstan? Qazaqstanǵa túkirgenim bar...» dep qoıyp qalǵan.
Keıinirek ánshi óz sózine ókinip, Instagramdaǵy paraqshasynda qazaqstandyqtardan keshirim surady.
