Qazaqstanǵa tez pisetin kespeniń ornyna 25 myń bótelke araq kirgizbek boldy

TARAZ. QazAqparat - Jambyl oblysy boıynsha memlekettik kirister departamenti ekonomıkalyq tergeý departamentimen birlesip júrgizgen sharalar barysynda Aısha bıbi shekara beketinde eki avtokólikti ustady, dep habarlaıdy QazAqparat.

Shekara beketinde kúdik týǵyzǵan eki qyrǵyz azamaty ustalǵan.

I. atty azamat tizgindegen 07KG133AAG nómirli «Mersedes» avtokóligi jáne B. basqaryp kele jatqan № 09KG510AAV «Penault Premium» kóligi toqtatyldy.

Atalǵan avtokólikterdi tekserý barysynda «Parlament» jáne «Antivirus» markaly alkogol óniminiń 25 920 bótelkesin Qazaqstan aýmaǵyna zańsyz ákelý faktisi anyqtaldy.

Bul rette alkogol ónimderiniń bul partııasy «Big Bon» tez daıyndalatyn kespe retinde jasyryn tasymaldandy.

Aldyn ala qorytyndy boıynsha ustalǵan alkogol ónimi partııasynyń jalpy quny - 25 660 800 teńge.

Atalǵan fakti boıynsha Jambyl oblysy boıynsha ekonomıkalyq tergeý departamenti alkogol óniminiń zańsyz aınalymynyń jolyn kesý boıynsha qylmystyq is qozǵaldy.