Qazaqstanǵa Tájikstan azamattary qandaı maqsattarmen keledi

ASTANA. QazAqparat - 2018 jyldyń 11 aıynda Qazaqstanǵa 4 093 Tájikstan azamaty keldi. Bul týraly Parlament Senatynyń jalpy otyrysynda depýtat Vladımır Volkov málim etti, dep habarlaıdy QazAqparat.

«Elimizde ýaqytsha tirkeýge 56 myńnan astam Tájikstan azamaty turdy. Onyń ishinde 33 myńnan astamy jeke sharýalarymen saparlaǵan. 10 myńnan astamy Qazaqstanǵa týrıst retinde, sondaı-aq 10 072-si jumysqa kelgen. Tájikstan azamattarynyń basym bóligi Almatyda ýaqytsha tirkeýde tur, ıaǵnı qalada 30 myńnan astam adam bar. Almaty oblysynda 7 myńǵa jýyǵy, Astanada 4 508 adam tirkelgen», - dedi V. Volkov.

Onyń sózine qaraǵanda, ótken jylǵy 11 aıda elimizde bolý tártibin buzǵany úshin 3 777 tájikstandyq ákimshilik jaýapkershilikke tartyldy.

Aıta keteıik, Senattyń jalpy otyrysynda «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy Qazaqstan Respýblıkasy azamattarynyń Tájikstan Respýblıkasynyń aýmaǵynda jáne Tájikstan Respýblıkasy azamattarynyń Qazaqstan Respýblıkasynyń aýmaǵynda bolý tártibi týraly kelisimdi ratıfıkatsııalaý týraly» QR Zańy qabyldandy.

QR Іshki ister mınıstri Qalmuhanbet Qasymovtyń aıtýynsha, atalǵan qujat aıasynda Qazaqstan azamattary Tájikstanda, tájikstandyqtar qazaq elinde 30 kúnge deıin tirkeýsiz júre alady.