Qazaqstanǵa Taıaý Shyǵystan 27 reıs oryndalyp, 4 659 jolaýshy elge jetkizildi
ASTANA.KAZINFORM - Qazaqstan Respýblıkasy Kólik mınıstrligi múddeli memlekettik organdarmen, uıymdarmen, sondaı-aq otandyq jáne sheteldik áýe kompanııalarymen birlesip, Taıaý Shyǵys elderinen Qazaqstan azamattaryn elge qaıtarý jumystaryn jalǵastyryp jatyr.
QR Kólik mınıstrligiń bapasóz qyzmetiniń habarlaýynsha, 2026 jylǵy 7 naýryzdaǵy jaǵdaı boıynsha óńirdegi jaǵdaıdyń shıelenisýi bastalǵannan beri Qazaqstanǵa 27 reıs oryndalyp, 4 659 jolaýshy elge jetkizildi.
2026 jylǵy 5 jáne 6 naýryz kúnderi 4 áýe kompanııasy 15 reıs oryndap, 2 549 jolaýshyny tasymaldady.
«Eır Astana» áýe kompanııasy Djıdda – Atyraý – Almaty baǵyty boıynsha 3 reıs oryndady.
SCAT áýe kompanııasy Maskat – Almaty baǵyty boıynsha 1 reıs oryndady.
FlyDubai áýe kompanııasy Dýbaı – Almaty baǵyty boıynsha 5 reıs jáne Dýbaı – Astana baǵyty boıynsha 2 reıs oryndady.
Sondaı-aq Air Arabia áýe kompanııasy Shardja – Almaty baǵyty boıynsha 4 reıs oryndady.
-Qazaqstan azamattaryn elge qaıtarý jumystary óńirdegi aǵymdaǵy jaǵdaıdy eskere otyryp júrip jatyr, delingen habarlamada.
Osyǵan deıin Irannan 66 Qazaqstan azamaty elge qaıtarylǵany týraly jazdyq.
