Qazaqstanǵa taýyq jumyrtqasyn ákelýge eki aıǵa tıim salyndy
ASTANA.KAZINFORM – Qazaqstanda taýyq jumyrtqasyn elge ákelýge eki aı merzimge ýaqytsha tyıym engizildi. Shekteý barlyq kólik túrlerine, sonyń ishinde Eýrazııalyq ekonomıkalyq odaq (EAEO) jetkiziletin ónimderge de qatysty.
Tıisti buıryqqa Aýyl sharýashylyǵy mınıstri Aıdarbek Saparov 2026 jylǵy 12 qarashada qol qoıǵan.
Qujatqa sáıkes, tyıym Qazaqstan aýmaǵy arqyly jumyrtqany tranzıtpen tasymaldaýǵa, sondaı-aq EAEO-ǵa múshe memleketter arasynda Qazaqstan aýmaǵy arqyly júzege asyrylatyn tasymaldarǵa qoldanylmaıdy.
Sonymen qatar birqatar erekshelikter qarastyrylǵan. Atap aıtqanda, eksporttaýshy elde buıryq kúshine engenge deıin eksportqa resimdelgen, biraq Qazaqstan aýmaǵyna keıinirek jetkizilgen jumyrtqa partııalaryn ákelýge ruqsat etiledi. Ol úshin tıisti kedendik deklaratsııalar usynylýy qajet.
Budan bólek, buıryq kúshine engenge deıin Qazaqstan aýmaǵyna naqty kelip jetken jumyrtqalardy da ákelýge bolady. Bul jaǵdaıda olardyń el aýmaǵyna kelgenin rastaıtyn ilespe júkqujat bolýy tıis.
Buıryq 2026 jylǵy 13 qarashadan bastap kúshine endi.
Aıta keteıik, Qazaqstan alıýmınıı folgasy men elektrodtardy eksporttaýǵa shekteý engizedi.