Qazaqstanǵa Tashkentten ákelingen shyraıgúl partııasy keri qaıtaryldy
ASTANA. KAZINFORM — QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń Túrkistan oblystyq aýmaqtyq ósimdikter karantıni jónindegi memlekettik ınspektory zalaldanǵan ónimdi tasymaldaý faktisin anyqtady. Bul týraly vedomstvonyń baspasóz qyzmeti málim etti.
Fıtosanıtarlyq baqylaý barysynda Ózbekstan Respýblıkasynyń Tashkent oblysynan Qazaqstan aýmaǵyna karantındik nysan — aramsoıaýmen zalaldanǵan 5100-den astam shyraıgúl gúli ákelingeni belgili boldy.
— Qoldanystaǵy zańnama talaptaryna sáıkes ónimdi keri qaıtarý týraly akt rásimdelip, zalaldanǵan gúlder keri qaıtaryldy, — delingen habarlamada.
Qabyldanyp jatqan sharalar el aýmaǵyna karantındik zııandy organızmderdiń jetkizilýi men taralýynyń aldyn alýǵa, fıtosanıtarlyq qaýipsizdikti qamtamasyz etýge jáne aýyl sharýashylyǵy daqyldaryn qorǵaýǵa baǵyttalǵan.
Eske sala keteıik, buǵan deıin SQO-da Reseıden ákelingen taqtaıdan qaýipti karantındik zııankes tabylǵan bolatyn.
