Qazaqstanǵa tartylǵan ınvestıtsııanyń paıdasyn halyq kórýi tıis – sarapshy

NUR-SULTAN. QazAqparat – QR Syrtqy ister mınıstrligi janyndaǵy syrtqy saıası zertteýler ınstıtýtynyń basqarma tóraǵasy Bolat Nurǵalıev Úkimettiń keńeıtilgen otyrysynda Memleket basshysy toqtalǵan jaıttar men júktegen mindetterge qatysty pikir bildirdi, dep habarlaıdy QazAqparat tilshisi.

«Qazir túsindirý jumysy óte mańyzdy. Elimizdiń saıası, ekonomıkalyq jáne áleýmettik jańǵyrýynyń jańa joly bastalǵaly tur. Qazaqstan qańtar oqıǵasynan keıin álemniń nazarynda tur. Qańtar oqıǵasy bizge úlken sabaq boldy jáne onyń qaıtalanbaýy úshin Úkimet Prezıdent júktep otyrǵan sharalardy júzege asyrýy tıis. Sebebi Memleket basshysy ár sala boıynsha naqty tapsyrma berip otyr. Basty mindet - halyqtyń jaǵdaıyn jaqsartyp, tabysyn kóterý. Bul jolda bizde tájirıbe men tıisti quraldardyń bári bar», - dedi Bolat Nurǵalıev.

Onyń aıtýynsha, endigi elde bolatyn ózgeris pen memlekettiń qoldaýyn árbir qazaqstandyq sezinýi tıis.

«Bizdiń salaǵa kelsek, syrtqy ister mınıstrliginiń basty mindeti - álem elderimen dostyq, yntymaqtastyq qarym-qatynasty odan ári jalǵastyrý, Prezıdent júktep otyrǵan taǵy bir mindet shetelden iri ınvestıtsııalardy tartý. Qazaqstanǵa tartylǵan ınvestıtsııanyń paıdasyn halyq kórýi tıis. Bizde sheteldik kompanııalarmen jumys isteý tájirıbesi men metodıkasy bar. Іske kóshetin ýaqyt keldi. Osy oraıda aıtyp ótken jón, elde bolǵan jappaı tártipsizdik ınvestıtsııa tartýǵa keri áserin tıgizbeıdi. Sebebi Qazaqstan qashan da sheteldik ınvestorlardyń qyzyǵýshylyǵyn týǵyzyp keledi», - deıdi ol.

Sondaı-aq, halyqaralyq sarapshy Prezıdenttiń shetelge zańsyz shyǵarylǵan qarjyny qaıtarý jónindegi tapsyrmasyna qatysty oıyn ortaǵa saldy.

«Bul - búkil qurylymdar birigip kirisetin keshende másele. Atap aıtqanda, Ulttyq bank, qarjy monıtorıngi agenttigi, Bas prokýratýra jáne arnaıy organdar. Bul máseledegi syrtqy ister mınıstrliginiń róline kelsek, bizde halyqaralyq qylmysty ashýda eldermen ózara áreket etý jónindegi kelisim bar. Biz sol kelisimniń aıasynda áreket ete alamyz. Degenmen shetelge ketken zańsyz qarjyny qaıtarý uzaq protsess. Óıtkeni, aldymen shetel asqan qarjyny tabý qajet, sodan soń onyń zańdylyǵyn anyqtaý kerek. ıAǵnı tez arada jáne ońaı sheshiletin sharýa emes. Men birneshe elde elshi boldym, sondyqtan bul protsess qalaı júretindigimen tanyspyn. Degenmen Úkimet shetelge zańsyz shyǵarylǵan qarjyny qaıtarýda jospar jáne fakti boıynsha áreket etse, sheteldik seriktester bizge qoldaý bildiredi degen senimdemin», - dedi B. Nurǵalıev.