Qazaqstanǵa Starlink júıesiniń alǵashqy partııasy jetkizildi

ASTANA. KAZINFORM – «Starlink jabdyǵynyń alǵashqy partııasy Qazaqstanǵa keldi. 500 dana!», dep jazdy búgin óziniń Telegram kanalynda QR Tsıfrlyq damý, ınnvoatsııalar jáne aeroǵarysh ónerkásibi mınıstri Baǵdat Mýsın.

«Almatyǵa jabdyqty qabyldaý barysyn arnaıy tekserý úshin keldim. Kelesi aptada Túrkistan jáne Aqmola oblystaryndaǵy Starlink júıesin ornatýǵa tolyq daıyn mektepterge jabdyqtardy jetkizý bastalady. Atalǵan oblystardyń ákimdikteri daıyndyq jumystaryn jaqsy júrgizdi. Qalǵan óńirlerge 10 kúnnen keıin jetkizile bastaıdy. Barlyǵy 20 kún ishinde 2000 jınaq keledi, olar eldegi 2000 shalǵaıdaǵy aýyl mektebin joǵary jyldamdyqty ınternetpen qamtamasyz etedi»,-dep jazdy mınıstr.

Sondaı-aq ol atalmysh jańalyqtyń Memleket basshysynyń sheshiminiń arqasynda júzege asyp jatqanyn málim etti.

Osyǵan deıin Qazaqstannyń 2 myń mektebi Ilon Masktyń Starlink ınternetine qosylatynyn habarlaǵan edik.