Qazaqstanǵa sońǵy býyndy tehnologııa negizindegi AES kerek - Elnur Beısenbaev

ASTANA. KAZINFORM – AES qurylysy turaqty ınsvestıtsııanyń kelýine yqpal etedi. Bul týraly Májilis depýtaty Elnur Beısenbaev málim etti. 

«Atom elektr stantsııasy turaqty energetıkany qamtamasyz etedi. Kez kelgen ınvestor turaqty elektr energııasyna nazar aýdaratyny túsinikti. Óıtkeni zaýyttar toqtaýsyz jumys isteý kerek. ıAǵnı belgilengen eksporttyq sharttardy oryndaýǵa osy energııa turaqtylyǵy tikeleı baılanysty. Biz álemdik deńgeıdegi zaýattardy tartatyn bolsaq, olarǵa turaqty egergııany usyna alýymyz qajet», - dedi E. Beısenbaev Parlament palatalarynyń birlesken otyrysynan keıin.

Onyń aıtýynsha, qazir álemdegi alpaýyt elder AES-ten bas tartpaıdy.

«Partııada AES qurylysyna qatysty tıisti taldaý jasadyq. Qazaqstanǵa sońǵy býyndy tehnologııa negizindegi stantsııa kerek. Ony Ońtústik Koreıa, Reseı, Qytaı jáne Frantsııadaǵy kompanııalar júzege asyra alady. Biz AES salatyn memleketterdi iriktegen kezde, stantsııanyń jabdyqtarynyń basym bóligi sol elde óndirilýine nazar aýdarýymyz qajet. Budan bólek, eger bul memleket aldaǵy ýaqytta bólshekterdi qamtamasyz etýde problema bolmaýy tıis. Sol sebepti osyndaı mańyzdy jaǵdaıǵa mán bergen abzal», - dedi depýtat.

Aıta keteıik, búgingi Joldaýda Memleket basshysy Qasym-Jomart Toqaev AES qurylysy boıynsha referendým 6 qazanda ótetinin málim etti.