Qazaqstanǵa sırek kezdesetin qustardy tasymaldaǵan qylmystyq top ustaldy
ASTANA. QazAqparat - Dúısenbi kúni RF Batys Sibir kólik prokýratýrasy asa baǵaly jabaıy qustardy 500 myń dollardan artyq baǵaǵa satý úshin Qazaqstanǵa ákelgen uıymdasqan qylmystyq toptyń tórt múshesiniń isi Omby sotynda qaralatyndyǵyn málim etti.
Vedomstvonyń aqparatyna qaraǵanda, top músheleri Omby oblysynyń aýmaǵynan Qazaqstanǵa Reseıdiń Qyzyl kitabyna engizilgen asa baǵaly suńqar tektes (aqsuńqar, ıtelgi) qustardy tasymaldaǵan, dep habarlaıdy RIA Novostı.
«Qylmystyq top músheleri 2016 jyldyń 3 qarashasynan 2016 jyldyń 6 jeltoqsanyna deıingi aralyqta Taıaý Shyǵys elderine qustardy 500 myń dollardan astam somaǵa satý arqyly paıda tabý maqsatymen 13 aqsuńqar men ıtelgini kontrabandalyq jolmen tasymaldaǵan. Qustar tasymaly Reseı-Qazaqstan shekarasynyń qıylysyna deıin avtokólik júrgizýshileriniń qatysýymen júzege asyrylǵan», - delingen habarlamada.
