Qazaqstanǵa sheteldik jumys kúshin tartýǵa 16,5 myń kvota bólingen

ASTANA. KAZINFORM – Eńbek jáne halyqty áleýmettik qorǵaý mınıstri Svetlana Jaqypova Úkimet otyrysynda sheteldik jumysshylardyń Qazaqstandaǵy qyzmetin uıymdastyrý týraly aıtyp berdi.

− 2025 jylǵa sheteldik jumys kúshin tartýǵa arnalǵan kvota 16,5 myń kóleminde belgilendi, onyń 14,2 myńy boıynsha ruqsat berildi. Eldegi sheteldik jumyskerlerdiń jumys isteý zańdylyǵyn, ıaǵnı olarmen jasalǵan eńbek sharttaryn baqylaý úshin Eńbek ınspektsııasy ózara is-qımyl júıesin jolǵa qoıdy. Nátıjesinde 9 myńnan astam eńbek sharty júıege engizildi, − dedi Eńbek mınıstri.

Suranysqa ıe kásipter tizbesine sheteldik jumysshylardy qyzyqtyrý úshin 51 mamandyq engizilip, 566 jumysshy tartylǵan.

− Búgingi kúni kóshi-qonnyń oń saldosy 3,8 myń adamdy qurady. Soltústik óńirlerge 2 myńnan astam qandas pen qonys aýdarýshy kóshirildi, bıylǵy 1 shildedegi jaǵdaı boıynsha keri qaıtý jaǵdaılary tirkelgen joq, − dedi S. Jaqypova.

Aıta keteıik, platformalyq jumyspen qamtýdy retteý sheńberinde ıAndeks platformasynda jumys isteıtin 87 myńǵa jýyq adamnyń qyzmeti men áleýmettik qorǵaý rásimdeldi. Qazir basqa operatorlarmen belsendi jumys júrgizilýde.