Qazaqstanǵa shetelden ushyp kelgen úsh jolaýshydan koronavırýs ınfektsııasy anyqtaldy

NUR-SULTAN. QazAqparat – Qazaqstanǵa shetelden ushyp kelgen úsh jolaýshydan koronavırýs ınfektsııasy anyqtaldy. Olardyń ekeýi Sharm-el-Sheıh – Nur-Sultan reısimen, bireýi Frankfýrt–Nur-Sultan reısimen kelgen, dep habarlaıdy QazAqparat Sanıtarııalyq - epıdemıologııalyq baqylaý komıtetine silteme jasap.

Vedomstvonyń málimetinshe, 8 naýryzda Qazaqstan Respýblıkasynyń aýmaǵyna BAÁ, Túrkııa, Reseı Federatsııasy, Belarýs Respýblıkasy, Ózbekstan jáne Qyrǵyzstannan 20 halyqaralyq áýe reısi keldi.
2 565 áýe jolaýshylarynyń ishinde PTR testileýdiń teris nátıjesi bar anyqtamamen 2 464 adam, anyqtamasyz 101 QR azamattary keldi.
Onyń ishinde:
Almaty qalasynyń áýejaıyna – 12 reıs, 1 544 jolaýshy, anyqtamamen - 1 468, anyqtamasyz - 76;
Nur-Sultan qalasynyń áýejaıyna – 4 reıs, 456 jolaýshy, anyqtamamen - 439; anyqtamasyz - 17;
Aqtaý qalasynyń áýejaıyna – 3 reıs, 441 jolaýshy, anyqtamamen - 433; anyqtamasyz - 8;
Shymkent qalasynyń áýejaıyna – 1 reıs, barlyq 124 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR test tapsyrady, onyń nátıjesi shyqqansha karantın statsıonarynda kútedi.

Aıta keterligi, 7 naýryzda shetelden anyqtamasyz kelgen 984 Qazaqstan azamatynyń PTR-taldaý nátıjesi boıynsha úsh jolaýshydan koronavırýs ınfektsııasy anyqtaldy. Olardyń ishinde eki jolaýshy Sharm-el-Sheıh – Nur-Sultan reısimen, bir jolaýshy Frankfýrt – Nur-Sultan reısimen kelgen.