Qazaqstanǵa shetelden kelgen gýmanıtarlyq kómektiń qalaı bólingenin qaıdan kórýge bolady
«Kelip túsetin medıtsınalyq preparattar men buıymdardy jymqyrý jáne qaıta satýǵa jol bermeý maqsatynda Sovid-19-ǵa qarsy kúreske baǵyttalǵan sheteldik gýmanıtarlyq kómekti bólý protsesi jurtshylyqty tarta otyryp baqylaýǵa alyndy. Gýmanıtarlyq kómekti súıemeldeý barysynda agenttik qyzmetkerleri densaýlyq saqtaý basqarmalary men medıtsınalyq mekemelerdiń qyzmetkerlerimen profılaktıkalyq túsindirý jumystaryn júrgizýde. Qaptamalarda «Gýmanıtarlyq kómek – tegin» móri qoıyldy. Bul jumys taýardy odan ári maqsatsyz paıdalaný táýekelin tómendetedi», - dedi QR Sybaılas jemqorlyqqa qarsy is-qımyl agenttiginiń parasat departamentiniń dırektory Ǵanıjan Asanuly onlaın baspasóz máslıhaty barysynda.
Onyń aıtýynsha, qazirgi ýaqytta Katar, QHR, BAÁ-dan kelgen gýmanıtarlyq kómek súıemeldengen. Reseı, Ózbekstan, DDU, Túrkııa jáne Germanııadan kelgen gýmanıtarlyq kómek tasymaldaý kezeńinde tur.
Al Chehııadan Almaty qalasyna kelgen gýmanıtarlyq kómek bólý satysynda.
«Agenttik pen «SQ-Farmatsııa» JShS pandemııaǵa qarsy kúres kezeńinde kelgen gýmanıtarlyq kómekti árbir óńirge deıin bólý mańyzdylyǵyn eskerdi. Osylaısha, agenttik tizbeler men kólemderdi qosa alǵanda barlyq aqparat týraly ashyq túrde ornalastyrýdy usyndy. Bul aqparat «SQ-Farmatsııa» JShS saıtynda ornalastyrylǵan», - deıdi ol.
