Qazaqstanǵa shetelden kelgen azamat 2 táýlik boıy oqshaýlanyp, tekseriledi
Qaýlyǵa sáıkes Qazaqstan Respýblıkasyna shetelden avıareıster keletin adamdarǵa qatysty is-sharalardy mynadaı tártippen júrgizýdi:
Qazaqstan Respýblıkasynyń úkimettik delegatsııalaryn, Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegatsııalarynyń múshelerin, Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin, avıakompanııalar ekıpajdaryn, Qazaqstan Respýblıkasynyń Memlekettik shekarasyn kesip ótýdiń 5 kúninen keshiktirilmeı berilgen PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bergen adamdardy qospaǵanda, Qazaqstan Respýblıkasyna shetelden kelgen barlyq adamdardy 2 táýlikke deıin COVID-19-ǵa zerthanalyq tekserý júrgizý úshin karantındik statsıonarda oqshaýlaýdy qamtamasyz etýi kerek.
COVID-19-ǵa zerthanalyq tekserý nátıjelerin alǵannan keıin oń nátıjeli adamdar emdeý úshin ınfektsııalyq statsıonarǵa aýystyrylady. COVID-19-ǵa teris nátıjeli adamdarǵa osy qaýlyǵa 33-qosymshaǵa sáıkes tıisti qolhatty ala otyryp, COVID-19-dyń yqtımal sımptomdary týraly túsindirme júrgiziledi.
COVID-19 aýrýyn joqqa shyǵarmaıtyn belgileri bar adamdar karantındik statsıonarǵa emes, provızorlyq statsıonarǵa emdeýge jatqyzylady.
Qazaqstan Respýblıkasynyń Memlekettik shekarasyn kesip ótýdiń 5 kúninen keshiktirilmeı berilgen PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bergen, avıareıspen shet elden kelgen adamdar COVID-19-ǵa zerthanalyq tekserý júrgizý úshin 2 táýlikke deıin karantındik statsıonarda oqshaýlaýǵa jatpaıdy. Olarǵa osy qaýlyǵa 33-qosymshaǵa sáıkes tıisti qolhat ala otyryp, COVID-19-dyń yqtımal sımptomdary týraly túsindirme júrgiziledi.
Qaýlynyń tolyq nusqasyn myna siltemeden oqýǵa bolady.