Qazaqstanǵa shetelden eńbek mıgranttary qalaı kele alady

NUR-SULTAN. QazAqparat – Qazaqstanǵa kelip eńbek etkisi keletin nemese óz kásibin damytqysy keletin sheteldik eńbek mıgranttaryna ruqsat qalaı beriledi?

Bul suraqqa QR ІІM Kóshi-qon komıteti tóraǵasynyń orynbasary Sabyrjan Seıitjanov jaýap berdi, dep habarlaıdy QazAqparat tilshisi.

«Qazaqstan aýmaǵyna shetel azamattarynyń kelýi úshin ruqsat QR Úkimeti janyndaǵy vedomstvoaralyq komıssııanyń sheshimine sáıkes beriledi. Sondaı-aq, bizdiń elde óz kásibi nemese qyzmetin usynǵysy kelgen zańdy tulǵalar jergilikti atqarýshy organnyń atyna resmı hat joldaýy tıis. Ol hatta Qazaqstanǵa ne úshin keletinin, qandaı qyzmet nemese kásippen aınalysatynyn ashyp kórsetýi tıis. Sol hattyń negizinde komıssııa sheshim shyǵarady. Eger usynylǵan jobanyń Qazaqstan úshin jáne halyqtyń áleýmeti úshin tıimdi bolyp tabylsa, ol usynys vedomstvoaralyq komıssııanyń qaraýyna usynylady. Vedomstvoaralyq komıssııanyń otyrysy aptasyna bir ret ótip turady», - dedi S. Seıitjanov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, Qazaqstan aýmaǵynda eńbek etkisi kelgen shetel azamaty vedomstvoaralyq komıssııanyń oń sheshiminen soń SІM, ІІM jáne shekary qyzmetiniń atyna bizdiń elge kelýi jónindegi hattama joldaýy tıis.

Sondaı-aq, elimizge keletin árbir shetel azamatyna sanıtarlyq talaptardyń jiti túsindiriletini aıtyldy.

Buǵan deıin QR ІІM Kóshi-qon komıtetiniń ókili elimizde 4,6 myńnan astam azamattyń jeke kýáligi joq ekenin málim etti.

Odan bólek, S.Seıitjanov Qazaqstanda azamattyǵy joq 7 myń adamnyń tirkelgenin aıtty.