Qazaqstanǵa shetelden bilimdi adamdar jıi qonys aýdara bastady
ASTANA. KAZINFORM – Ótken jyly elimizdiń syrtqy kóshi-qonynda oń dınamıka baıqaldy. Bul týraly Eńbek jáne halyqty áleýmettik qorǵaý vıtse-mınıstri Asqarbek Ertaev aıtty.
- Syrtqy kóshi-qonnyń oń saldosy 2 jyl boıy saqtaldy. 2024 jyldyń qorytyndysy boıynsha kóshi-qon saldosy +17,2 myń adamdy qurady. Elge 30 myń adam kelse, 12,8 myń adam ketti. Elder bólinisinde kóshi-qon ósimi negizinen TMD men Qytaı Halyq Respýblıkasyna tıesili. Ulttyq statıstıka bıýrosynyń statıstıkalyq málimetterine sáıkes bilim deńgeıi boıynsha da oń saldo baıqalady, elge kóbirek bilimdi adamdar keldi. Budan basqa, tehnıkalyq mamandyq boıynsha 1 597 adam, pedagogıkalyq mamandyq boıynsha 526 adam, aýyl sharýashylyǵynda 151 adam, medıtsınalyq mamandyqtar boıynsha 295 adam keldi, - dedi ol Ortalyq kommnıkatsııalar qyzmetindegi brıfıngte.
Onyń dereginshe, ishki kóshi-qonda da azamattardyń qozǵalys belsendiliginiń ósýi baıqalady.
- El sheginde qonys aýdarýshylar sany ótken jyldyń kezeńimen salystyrǵanda 1,5 ese. 2024 jyly ishki kóshi-qonda 1 510 myń adam qatysty, onyń 689,5 myńy - óńiraralyq qonys aýdarý. Megapolıster ishki kóship-qonýshylardy tartý ortalyqtary bolyp qala beredi. Máselen, qaralyp otyrǵan kezeńde Astana qalasyna turaqty turýǵa - 151 myń, Almaty qalasyna – 129 myń, Shymkent qalasyna 68 myń adam keldi, - dedi Asqarbek Ertaev.
Osyǵan deıin Qazaqstanda demografııa jáne kóshi-qon salasyn retteıtin memlekettik organ qurý usynylǵany týraly jazdyq.