Qazaqstanǵa shetelden ákelinetin vaktsınalar qaıda saqtalady
NUR-SULTAN. QazAqparat – «SQ-Farmatsııa» basqarma tóraǵasy Berik Shárip Qazaqstanǵa shetelden ákelinetin vaktsınalar qalaı ákelinip, qaıda saqtalatynyn aıtyp berdi, dep habarlaıdy QazAqparat tilshisi.
«Qazaqstanda shetelden ákelinetin dári-dármek pen vaktsınalardyń sapasy men jaqsy saqtalýyn qamtamasyz etý mindetti. Qazirgi tańda biryńǵaı destrıbıýtorda vaktsınanyń 20 túri saqtalýda. Olardyń bári de ereje boıynsha +2...+8 gradýsta saqtalýy tıis. Alaıda -15...-20 gradýsta saqtalýy tıis vaktsınalar da bar. Olardy tasymaldaý nemese saqtaý bolsyn bul jumys temperatýralyq rejımdi esepke ala otyryp, júrgiziledi. Bizdegi qoımalardyń bári de tońazytqysh kamerasymen jasaqtalǵan. Naqty talaptarymyz bar», - dedi Berik Shárip Densaýlyq saqtaý mınıstrliginiń onlaın baspasóz máslıhatynda.
Onyń aıtýynsha, tońazytqysh kameralaryna basa den qoıylady. ıAǵnı oǵan toq kelmeı qalǵan jaǵdaıda da qaıta qosqansha jumysyn jalǵastyra alatyn qýat kózderi bar.
«Sonymen qatar bizde metrologııalyq baqylaý da bar. Oǵan sáıkes tońazytqysh kameralarynyń bárine de temperatýra men ylǵaldylyqty baqylap otyratyn júıe ornatylǵan. Sensorlyq datchıkter temperatýranyń kez kelgen ózgerisin qalt jibermeıdi. Vaktsınalardy tasymaldaýdyń da tártibi retke keltirilgen. Biz vaktsınalardy tońazytqysh kameralarynan alyp shyqqannan keıin de jetkizýge arnalǵan qurylǵy qarastyrylǵan. Áıtse de tasymal kezinde kóliktiń árbirinde salqyndatqysh ornatylǵanyn atap ótý kerek. ıAǵnı Almatydan Nur-Sultandaǵy qoımaǵa vaktsınany jetkizýdiń ózi dál osyndaı tártippen, qujatpen resimdele júrgiziledi», - dedi ol.
Berik Shárip sonymen qatar DSM-nyń taýarlar men kórsetiletin qyzmetterdiń sapasy men qaýipsizdigin baqylaý komıtetiniń tapsyrysy negizinde elge qajetti vaktsına mólsheri satylyp alynatynyn aıtady. Osydan keıin elge jetkizilgen vaktsınanyń bári memlekettik tirkeýden ótip, ár partııa sertıfıkattaýdan ótedi.
