Qazaqstanǵa shetel jumysshylaryn tartý kvotasy anyqtaldy
ASTANA. QazAqparat - QR Úkimetiniń 2013 jylǵy 31 qańtardaǵy qaýlysymen QR shetel jumysshylaryn tartý kvotasy anyqtaldy. Ol 0,7 paıyzdyq kólemde, halyqtyń ekonomıkalyq belsendiliginiń 63 myń birligin quraıdy. Bul týraly strategy2050.kz saıty habarlap otyr.
Eńbek jáne halyqty áleýmettik qorǵaý mınıstrliginiń Kóshi-qon komıteti habarlaǵandaı, sheteldik jumys kúshin tartý maqsaty syrtqy naryqtyń qorǵalýyn qamtamasyz etedi. 2013 jylmen salystyrǵanda 2014 jyly sheteldik jumys kúshin tartý mólsheri 45 myń birlikke azaıdy.
2014 jyldyń 1 qańtaryndaǵy jaǵdaıǵa kelsek, jergilikti atqarýshy organdardyń ruqsatymen qazir Qazaqstan Respýblıkasynyń aýmaǵynda 23,7 myń sheteldik azamat jumys isteıdi. Olardyń ishinde: jetekshiler men olardyń orynbasarlary - 1754 adam; salalyq bólimshelerdiń jetekshileri - 5066 adam; mamandar - 11060 adam; bilikti mamandar - 5609 adam. Sondaı-aq, merzimdik aýyl sharýashylyq jumystaryna 239 adam tartylǵan.
Aıta keteıik, bilikti mamandardyń qamtylýy ındýstrııalyq-ınnovatsııalyq, ekonomıkalyq sektorlardyń úlesimen júzege asady.
