Qazaqstanǵa shegirtkeler úıirimen Reseıden kelip jatyr - AShM
Mınıstrliktiń málimetine qaraǵanda, 2014 jyldyń maýsym aıynyń sońynan shilde aıynyń basynda Reseıdiń Orynbor oblysynyń shekaralas Svetlınskıı, ıAsenskıı, Dombrovskıı aýdandarynan Aqtóbe oblysynyń Áıteke bı aýdanynyń aýmaǵyna jáne Qostanaı oblysynyń Qamysty aýdanynyń aýmaǵyna shegirtkelerdiń ushyp-qonýy baıqalǵan. Sonymen qatar, Chelıabi oblysynyń Varna aýdanynyń tusynan Qazaqstan aýmaǵyna shegirtke tektes zııankesterdiń ótýi faktileri tirkelgen.
«Qazaqstanda jıi taralýǵa beıim shegirtkeler túrlerine kelsek, bizde Azııa shegirtkesi - Almaty oblysynyń Balqash óńirinde, Atyraý oblystarynda, Qostanaı oblystarynda jıi kezdesedi. Sol sekildi Marokko shegirtkesi Jambyl, Ońtústik Qazaqstan oblystarynda bar. Al ıtalıandyq prýs shegirtkesi Qazaqstannyń barlyq aýmaǵyna taralyp, kóbeıý qabiletini ıe. Sonymen qatar, shegirtkeniń dál osy túri elimizdiń klımatyna uqsaıtyn Reseıdiń Chelıabi, Orynbor, Saratov, Volgograd pen Astrahan oblystarynda, Daǵystan aımaqtarynda jıi kezdesedi», - deıdi Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov. Onyń aıtýynsha, ıtalıandyq prýs shegirtkesi qolaıly aýa raıynda tez kóbeıedi.
«2014 jyly biz 4 mln. 270 myń gektardy shegirtkeden óńdeýdi josparlaǵan bolatynbyz. Buǵan respýblıkalyq bıýdjetten 2 mlrd. 900 mln. teńge bólinip, oǵan barlyq qajetti preparattar satyp alynyp, arnaıy tehnıkalarmen óńdeý jumystary júzege asady», - deıdi S. Qasenov.