Qazaqstanǵa shapshań qımyldaıtyn, jedel áreket etetin, tolyq jaraqtalǵan, shynyqqan armııa kerek - Memleket basshysy
A. Qarashanyń 13-i. QazAqparat /Qanat Mámetqazyuly/ ‑ Qazaqstanǵa shapshań qımyldaıtyn, jedel áreket etetin, tolyq jaraqtalǵan, shynyqqan armııa kerek.
Búgin Qazaqstan Respýblıkasynyń Prezıdenti Nursultan Nazarbaev respýblıkalyq telearnalar boıynsha ótip jatqan tikeleı jelide el azamattarynan kelip túsken suraqtarǵa jaýap berý barysynda osylaı aıtty, dep habarlaıdy QazAqparat.
«Elimizde júrgizilip jatqan reforma sharalary qur ásheıin reforma úshin jasalyp jatqan joq. Biz qorǵanys salasyn birshama jańǵyrttyq. Endigi mindet basqa. Qazirgi zamanda bizdiń elimizge sany kóp armııanyń qajeti joq. Sany az bolsa da shapshań qımyldaıtyn, jedel áreket etetin, tolyq jaraqtalǵan, shynyqqan armııa kerek. Sondyqtan da, bizdiń maqsatymyz - áskerlerimizdiń sapasyn kóterý», dedi Elbasy. Memleket basshysynyń aıtýynsha, bul baǵytta aldaǵy ýaqytta birqatar sharalar atqarylatyn bolady.
«Birinshiden, áskerı salada kezekshilik sapasyn, jedel-jaýyngerlik daıyndyq deńgeıin arttyrýdy sharalaryn júzege asyrý qajet. Ekinshiden, armııaǵa tehnologııalyq ólshemder kerek. ıAǵnı bizdiń armııa qarý-jaraq pen áskerı tehnıkanyń jańa júıelerimen, zamanaýı áskerı qımyldar jasaýǵa qajetti tehnıkamen jaraqtandyrylýy tıis. Úshinshiden, armııany kerekti kadrlarmen qamtamasyz etý qajet. Tórtinshiden, áskerı qyzmettegiler úshin tıisti áleýmettik toptamany júzege asyrý kerek. Qazirgi kúni meniń tapsyrmam boıynsha Úkimet Qorǵanys mınıstrligimen birlesip osy máselelermen aınalysyp jatyr. Bizde TMD memleketteri boıynsha áskerılerdiń jalaqysy joǵary bolatyn. Osy basymdyq saqtalýy tıis, oǵan tolyq múmkindigimiz de bar», dedi Elbasy.
