Qazaqstanǵa saıahattaıtyn eýropalyqtardyń úshten bir bóligi - polıaktar
ASTANA. QazAqparat - Polsha týrızm salasyndaǵy tájirıbesimen bólisýge daıyn. Dál osy sala eýropalyq memleketke mıllıondaǵan eýro paıdaǵa keneltip otyr, dep habarlaıdy QazAqparat Habar 24 telearnasyna silteme jasap.
Sońǵy málimetke qaraǵanda, týrızmniń úlesi Polshanyń jalpy ishki óniminiń 6 paıyzyn quraıdy. Bul sektorda 700 myńǵa jýyq adam eńbek etedi. Qazaqstan úshin de týrızmdi damytý - basty baǵyttardyń biri.
Polıak týroperatorlary elimizdiń shıpajaıly oryndarynyń áleýeti joǵary ekenin aıtyp, yntymaqtastyqty damytýǵa nıet bildirip otyr. Olardyń deregine súıensek, qazaq jerine saıahattaıtyn eýropalyqtardyń úshten bir bóligi - polıaktar.
«Týrızmdi damytý úshin bizde arnaıy baǵdarlamalar daıyndalyp, júzege asyryldy. Qazir álemniń kóptegen elderinde Polshanyń týrıstik keńseleri jumys isteıdi. Biz tutynýshylarǵa alýan túrli týrıstik ónimder usynyp kelemiz. Al Qazaqstanǵa keletin bolsaq, Varshava-Astana tikeleı áýe reısi ashylǵannan beri sizdiń elge barýshy polıak saıahatshylary 30 paıyzǵa artty», - Polıak týrıstik palatasynyń prezıdenti Pavel Nıvıadomskı.
Osy sanat boıynsha «Qorǵas» beketi arqyly ótetin eksport pen ımport kólemi 386 myń tonnany qurady.
