Qazaqstanǵa rýli oń jaqtaǵy kólikterdi bólshektep ákelýge tyıym uzartyldy
ASTANA. KAZINFORM – Elimizge rýli oń jaqtaǵy kólikterdi bólshektelgen túrde ákelýge taǵy 6 aıǵa tyıym salynbaq. Bul týraly Ónerkásip jáne qurylys mınıstri Qanat Sharlapaevtyń buıryǵy «Ashyq NQA» portalynda jarııalandy.
Eske sala keteıik, bıyl qańtarda elimizge oń jaqtaǵy kólikterdi bólshektelgen túrde ákelýge ýaqytsha tyıym salynǵan edi.
«Rýli oń jaqta ornalasqan jeńil avtomobılderdi Qazaqstan Respýblıkasynyń aýmaǵyna bólshektelgen túrde alty aı merzimge ákelýge tyıym salý engizilsin», - delingen jańa buıryq mátininde.
Buıryqtyń túsindirme jazbasynda, joba qabyldanǵan jaǵdaıda boljanatyn áleýmettik-ekonomıkalyq, quqyqtyq jáne ózge de saldary qarastyrylmaǵany aıtylǵan.
Joba 2 tamyzǵa deıin kópshilik nazaryna talqyǵa usynylyp otyr.
Aıta ketsek, byltyr elimizge rýli oń jaqtaǵy kólikterdi ákelýge tyıym salynatyny týraly habarlanǵan edi.
