Qazaqstanǵa RF arqyly jetkiziletin ýkraınalyq júk endi Belorýssııa aýmaǵymen ǵana ótýi múmkin
ASTANA. QazAqparat - RF Prezıdenti Vladımır Pýtın "Ýkraına aýmaǵynan Qazaqstan Respýblıkasynyń aýmaǵyna Reseı Federatsııasy arqyly halyqaralyq tranzıttik júk tasymalyn júzege asyrý kezinde Reseı Federatsııasynyń ekonomıkalyq qaýipsizdik jáne ulttyq múddelerdi qamtamasyz etý boıynsha sharalar týraly" jarlyǵyna qol qoıdy.
Qujat mátini quqyqtyq aqparattyń resmı ınternet-portalynda jarııalandy, dep habarlady newsru.com.
Jarlyq boıynsha, Ýkraına aýmaǵynan Reseı arqyly Qazaqstan aýmaǵyna ótkiziletin halyqaralyq tranzıttik avtomobıl jáne temir jol arqyly júk tasymaldaý Belarýs aýmaǵy arqyly ǵana júzege asady. Onyń ózinde birqatar talaptary bar: taýarlardy salýǵa bolatyn arnaıy oryn, ıdentıfıkatsııalaý quraldary, onyń ishinde GLONASS jahandyq navıgatsııalyq spýtnıktik júıe negizinde jumys isteıtin quraldar, júk tasymaldaıtyn kólik quraldarynyń júrgizýshilerinde esep talondary bolýy tıis.
Prezıdent jarlyǵy 2016 jyldyń 1 qańtarynan kúshine enedi jáne 2016 jyldyń 1 shildesine deıin kúshin joımaıdy. Qujatqa 2016 jyldyń 1 qańtarynan Ýkraınaǵa qatysty Erkin saýda aımaǵy týraly sharttyń jumysyn ýaqytsha toqtatý negizinde qol qoıyldy.
