Qazaqstanǵa Reseıden jańa atmosferalyq aýa aǵyny kele jatyr
ASTANA. QazAqparat - Qazaqstanǵa Reseıdiń eýropalyq bóligindegi ortalyq aýdandardan jańa atmosferalyq aýa aǵyny kele jatyr. Aýa aǵyndarynyń respýblıka aýmaǵynan jıi ári tez aýysýy troposferada jınalǵan batys-shyǵysqa aýysatyn Antlant ylǵaldy aýa massalarymen baılanysty, dep habarlaıdy «Qazgıdromet» RMK baspasóz qyzmeti.
Sondyqtan aldaǵy úsh táýlikte kóptegen oblystarda jańbyr jaýyp, naızaǵaı oınaıdy, keı jerlerde burshaq túsedi jáne qatty jel turady. Ońtústik pen shyǵystaǵy taýly aýdandarda qatty jańbyr jaýýy múmkin.
Aýa temperatýrasy klımattyq normadan tómen bolýy yqtımal.
Astana qalasyna arnalǵan konsýltatıvtik aýa raıy boljamy.
6 maýsym: kún ala bultty, kúndiz ótkinshi jańbyr jaýyp, burshaq túsýi múmkin. Shyǵystan soqqan jel soltústik-batysqa qaraı aýysyp, onyń ekpini 9-14 m/s-qa jetedi. Aýa temperatýrasy túnde +7+9°S, kúndiz +19+21°S.
7 maýsym: kún alabultty, jaýyn-shashynsyz bolady. Soltústik batys, batystan soqqan jeldiń ekpini 9-14 m/s-qa jetedi. Aýa temperatýrasy túnde +5+7°S, kúndiz +20+22°S.
8 maýsym: kún alabultty, kúndiz jańbyr jaýyp, naızaǵaı oınaıdy. Batystan soqqan jeldiń ekpini - 9-14 m/s. Aýa temperatýrasy túnde +8+10°S, kúndiz +21+23°S.
Almaty qalasyna arnalǵan konsýltatıvtik aýa raıy boljamy.
6 maýsym: kún alabultty, keı jerlerde jaýyn-shashyn túsip, naızaǵaı oınaıdy. Jeldiń ekpini - 2-7 m/s, uıytqýy - 12 m/s. Aýa temperatýrasy túnde +12+14°S, kúndiz +21+23°S.
7 maýsym: kún ala bultty, kúndiz jáne túnde jańbyr jaýyp, kún kúrkireıdi. Jeldiń ekpini - 2-7 m/s, naızaǵaı túskende onyń uıytqýy 10 m/s. Aýa temperatýrasy túnde +11+13°S, kúndiz +21+23°S.
8 maýsym: kún alabultty, jaýyn-shashynsyz. Jeldiń ekpini - 0-5 m/s. Aýa temperatýrasy túnde +10+12°S, kúndiz +25+27°S.
