Qazaqstanǵa Reseıden 400 lıtr zańsyz alkogol ákelgen azamat ustaldy

NUR-SULTAN. QazAqparat - Qazaqstanǵa Reseıden 400 lıtr zańsyz alkogol ákelingen, dep habarlaıdy QazAqparat Memlekettik kirister komıtetine silteme jasap.

Soltústik Qazaqstan oblysynyń «Jańa jol» avtomobıl ótkizý beketinde SQO boıynsha memlekettik kirister departamentiniń qyzmetkerleri Volvo markaly avtomashınasymen Reseı Federatsııasynan Qazaqstan aýmaǵyna 4 lıtrlik plastık ydystarǵa quıylǵan 400 lıtr alkogol ónimin kirgizý faktisin anyqtady.

Ákimshilik quqyq buzý týraly kodekstiń 282-baby 3-tarmaǵy boıynsha hattama jasaldy. Tárkilengen alkogol ónimderi sot sheshimine deıin qoımaǵa ornalastyryldy.

Jalpy, 2019 jyldyń 10 aıynda «Jańa jol», «Qyzyljar», «Bıdaıyq», «Qaraqoǵa» avtomobıl ótkizý beketterinde Soltústik Qazaqstan oblysy memlekettik kirister departamenti tyıym salynǵan taýarlardy áketý faktileriniń jolyn kesti.

- qara jáne tústi metall synyqtary boıynsha 390,7 tonna mólsherinde 52 fakti;

- makýlatýra boıynsha 19,9 myń tonna mólsherinde 1 fakti;

- ІQM terisi boıynsha 21,0 myń tonna mólsherinde 1 fakti;

- munaı ónimderi boıynsha 3,7 myń lıtr kóleminde 10 fakti.

Budan basqa, eksporttyq baqylaý basqarmasy syrtqy ekonomıkalyq qyzmetke qatysýshylardyń Eýrazııalyq ekonomıkalyq odaqqa múshe memleketterden ımporttalǵan taýarlardyń quny boıynsha málimdelgen baǵalardy tómendetý boıynsha jumys júrgizýde. 1 qarashadaǵy jaǵdaı boıynsha júrgizilgen áńgimeniń nátıjesinde 6,6 mln teńge somasyna 14 salyq tóleýshi túzetý jasap, qosymsha esep usyndy.

Janama salyqtardy ýaqtyly tólemegeni úshin ákimshilik sharalar qoldanyldy jáne bıýdjetke 15 mln teńge óndirip alyndy.