Qazaqstanǵa PTR anyqtamasyz kelgen Qyrǵyzstan azamaty eline deportatsııalandy

NUR-SULTAN. QazAqparat - 26 mamyrda Qazaqstanǵa Germanııa, BAÁ, Mysyr, Ońtústik Koreıa, Túrkııa, Grýzııa, Tájikstan, Belarýs, Reseı, Tájikstan, Ózbekstan jáne Qyrǵyzstannan 29 halyqaralyq áýe reısi keldi.

Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

Ótken táýlikte 3 405 avıajolaýshy keldi. Onyń ishinde:

Almaty qalasynyń áýejaıyna – 15 reıs, 2 202 jolaýshy;

Nur-Sultan qalasynyń áýejaıyna – 6 reıs, 689 jolaýshy;

Shymkent qalasynyń áýejaıyna – 2 reıs, 262 jolaýshy;

Atyraý qalasynyń áýejaıyna – 2 reıs, 160 jolaýshy;

Aqtóbe qalasynyń áýejaıyna – 2 reıs, 27 jolaýshy;

Qaraǵandy qalasynyń áýejaıyna – 1 reıs, 0 jolaýshy;

Oral qalasynyń áýejaıyna – 1 reıs, 65 jolaýshy.

Sonymen qatar, 2021 jyldyń 26 mamyrynda Osh–Shymkent avıareısimen PTR anyqtamasyz ushyp kelgen Qyrǵyzstan azamaty Shymkent qalasynyń áýejaıynan deportatsııalandy.