Qazaqstanǵa pıǵyly teris reseılikterdiń tizimi bar

 Qazaqstanǵa pıǵyly teris reseılikterdiń tizimi bar. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

Vedomstvoda ótken brıfıngte BAQ ókilderi Aıbek Smadııarovtan «Mıllıondaǵan aýdıtorııasy bar tanymal reseılik endokrınolog Reseı Qazaqstanǵa shabýyldaýǵa májbúr degen pikir bildirdi. Syrtqy ister mınıstrligi mundaı vıdeolardy zerdeleı me? Ol persona non grata tizimine qosyla ma?» dep suraǵan edi. 

«Mıllıondaǵan aýdıtorııasy bar endokrınolog dárigerge menen duǵaı-duǵaı sálem aıtyńyz. Ol qajetsiz dúnıelerdi aıtýdyń ornynan mamandyǵymen aınalysyp, adamdardy emdegeni jón. Reseımen qarym-qatynasymyz óte jaqsy, tatý kórshimiz. Dos, strategııalyq seriktestmemleketter retinde jumys isteımiz», - dep jaýap berdi Aıbek Smadııarov.

Sonymen qatar jýrnalıster Qazaqstan jaıly teris pıǵyldy pikir bildiretin adamdardyń tizimine qatysty suraq qoıǵan bolatyn.

«Árıne, biz mundaı tizim júrgizemiz. Biraq, ol jumys tizimi jáne ony jarııa etpeımiz. Sanyn da aıta almaımyn. Mundaı adamdarǵa shekara jabylady, elimizge kire almaıdy», - dedi SІM resmı ókili.