Qazaqstanǵa paratsetamoldyń 700 myń qaptamasy jetkizildi, taǵy 800 myńy kútilýde
«Medıtsınalyq uıymdarǵa naýqastardy KVI-den emdeý úshin antıbıotıktiń 16 túri úzilissiz jetkizilýde. Sonymen birge kerekti dári-dármekti jedeldetip dárihanalarǵa jetkizý úshin dıstrıbıýtorlarmen kelissózder júrgizilip jatyr. Spekýlıatsııaǵa jol bermeý maqsatynda ákimdikter bir adamǵa dári-dármekti shekteýli túrde satý máselesin rettep jatyr. Osy aptanyń sońyna deıin bólshek saýda jelilerine vırýsqa qarsy preparattardyń 70 myń qaptamasy jetkiziledi. Ystyq túsiretin dáriler, máselen paratsetomol Qazaqstan naryǵyna túse bastady. Qazirgi tańda bul preparattyń naryqqa ártúrli óndirýshilerden 700 myń qaptamasy jetkizildi. Aldaǵy eki aptada paratsetamoldyń taǵy 800 myń qaptamasyn jetkizý kózdelgen», - dedi Alekseı Tsoı búgin OKQ-da ótken baspasóz máslıhatynda.
Eske sala ketsek búgin QR Premer-Mınıstri Asqar Mamınniń tóraǵalyǵymen ótken Memlekettik komıssııa otyrysynda QR Prezıdenti Qasym-Jomart Toqaevtyń tapsyrmasyna sáıkes Qazaqstandaǵy epıdemıologııalyq ahýaldy turaqtandyrý sharalary qaralǵan bolatyn. Memlekettik komıssııanyń sheshimimen 5 shildeden bastap elimizde 14 kúnge qatań shekteý sharalary engiziletin boldy.
