Qazaqstanǵa ózin-ózi jumyspen qamtýshylardyń problemalaryn sheshýge baǵyttalǵan strategııa qajet - halyqaralyq uıym ókili
ASTANA. Qańtardyń 19-y. QazAqparat /Aıdar Ospanalıev/ - «Búginde eldegi resmı túrde jumyspen qamtylǵan azamattardyń 30 paıyzynan astamyn quraıtyn ózin-ózi jumyspen qamtýshylar negizinen kedeıliktiń saldarynan osyndaı áreketke barǵan azamattar.
Olardyń arasynda ósip-ónip ketkenderi óte sırek. Bul Qazaqstan úshin óte qaýipti úderis», dedi BUU-nyń «ıÝNIFEM» Áıelder damý qory baǵdarlamasynyń aımaqtyq dırektory Dámıra Sartbaeva. Bul týraly búgin Astanada «Almaty qalasy men Almaty oblysynyń Eńbekshiqazaq aýdanynyń úlgisindegi halyqtyń ózin-ózi jumyspen qamtý jaǵdaıy týraly» atty taqyrypta ótken dóńgelek ústel otyrysynda málim etildi, dep habarlaıdy QazAqparat.
Onyń aıtýynsha, álemdi sharpyǵan daǵdarys saldary budan ári de órshı túsetin bolsa jáne memleket ózin-ózi jumyspen qamtýshylarǵa qatysty tıisti sharalar qoldanbaıtyn bolsa, májbúrlikten ózin-ózi jumyspen qamtyp júrgen azamattardyń basym bóligi eldiń áleýmettik jaǵynan az qamtylǵan toptarynyń qataryn kóbeıtetin bolady. «Mundaı jaǵdaı árıne memleket úshin aýyr salmaq bolmaq. Óıtkeni az qamtylǵan otbasylardy túrli jeńildiktermen jáne járdemaqymen qamtamasyz etý qajet bolady», dedi dırektor.
Onyń pikirinshe, memleket ózin-ózi jumyspen qamtýshylarǵa qajetti jaǵdaıdy qalyptastyrý úshin birinshi kezekte osy salany damytýdy kózdeıtin strategııa daıyndaý kerek. Bir jaǵynan osy másele boıynsha quqyqtyq problemalardyń oryn alýy ózin-ózi jumyspen qamtýshylardyń qataryna jalǵa alynǵan eńbekkkerlerdiń de kirýine yqpal etip otyr. «Bul rette eń qıyny - olar jaldanǵan jumysshy bola turǵandaryna qaramastan, eshqandaı eńbek kelisimderi joq. «Tap osy másele memlekettiń tikeleı aralasýyn qajet etedi», dedi D.Sartbaeva.
Onyń sózine qaraǵanda, eshqandaı eńbek kelisimderinsiz jumyspen aınalysatyn azamattardyń basym bóligin áıelder quraıdy. Sondyqtan memleket olardy qajetti aqparattarmen, zańdyq, quqyqtyq kómekpen qamtamasyz etip, áıel azamattardyń bul máselede jan-jaqty bolýyna kúsh salýy qajet.
