Qazaqstanǵa oqýǵa keletin aýǵan jastarynan qaýip bar ma – QR SІM jaýaby
ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Qazaqstanǵa oqýǵa keletin aýǵan jastary týraly suraqtarǵa jaýap berdi, dep habarlaıdy QazAqparat.
«Qazaqstanǵa bilim alýǵa keletin aýǵan jastaryna qandaı talaptar qoıylady? Olardyń arasynda radıkaldy stýdentter bolmaı ma?», - dep suraq qoıdy tilshiler QR SІM-niń aptalyq brıfınginde.
«Aýǵan stýdentteri bizde birneshe jyldan beri oqyp keledi. Bizdiń tarapymyzdan arnaıy baǵdarlamalar boıynsha JOO-lar bilim beredi. Al onyń shyǵyndaryn Eýropalyq odaq tóleıtin. Tolyǵymen eýropalyq baǵdarlamamen oqytylady. Stýdentter munda jiberilmes buryn tekserýden ótedi, vıza qujattaryn tapsyrady. Sondyqtan, olardan qorqý –negizsiz. Bul – bilim alǵysy keletin qarapaıym stýdentter», - dep jaýap berdi Aıbek Smadııarov
