Qazaqstanǵa Nıderlandydan, Reseıden ákelip jersindiretin jolbarystar tegin berilip jatyr ma
ASTANA. KAZINFORM – Búginde Nıderlandydan jetkizilgen eki jolbarysty «Іle Balqash» tabıǵı rezervatynda jersindirý jobasy júzege asyp jatyr. Odan bólek 2026 jyly Reseıden 3-4 Amýr jolbarysy jetkizilmek.
Osy oraıda saýal týyndaıdy atalǵan elder jolbarystardy Qazaqstanǵa tegin berip jatyr ma? Bul saýalǵa Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev jaýap berdi.
- Nıderlandy eli eki jolbarysty syıǵa tartyp, ózderi jetkizip berdi. Ol elde janýarlardy jersindirý jobalary donorlarmen óte jaqsy qoldanylady, sondyqtan Qazaqstanǵa tegin jetkizildi. Reseıge kelsek, qazir kelissóz júrgizildi, jolbarystar tegin bolady jáne Almatyǵa deıin tegin jetkizý jóninde kelisim júrip jatyr, - dep qysqa qaıyrdy Danııar Turǵambaev Ortalyq kommýnıkatsııalar qyzmeti alańynda ótken baspasóz máslıhatynda.
Buǵan deıin 2026 jyly Qazaqstanǵa Reseıden 3-4 Amýr jolbarysy jetkiziletini týraly habarlaǵan edik.
Eske sala keteıik, «Іle-Balqash» rezervatynda jolbarystardy jersindirý 2024 jyly qolǵa alyndy.