Qazaqstanǵa Mysyrdan kelgen jolaýshylardyń 50%-dan astamynda PTR-anyqtama joq
NUR-SULTAN. QazAqparat - 2020 jylǵy 9 jeltoqsanynda Qazaqstan Respýblıkasynyń aýmaǵyna Nıderlandy, Koreıa, Egıpet, Túrkııa, BAÁ, Reseı, Belarýs Respýblıkasy jáne Ózbekstannan 12 halyqaralyq áýe reısi keldi, dep habarlaıdy QazAqparat QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetine silteme jasap.
Komıtet taratqan málimetterge qaraǵanda, ushaqpen kelgen 1 133 jolaýshynyń ishinde PTR-testileýdiń teris nátıjesi bar anyqtamamen 964 adam, anyqtamasyz 169 adam - QR azamattary keldi.
Onyń ishinde:
Almaty qalasynyń áýejaıyna – 5 reıs, 631 jolaýshy, anyqtamamen - 602, anyqtamasyz - 29;
Nur-Sultan qalasynyń áýejaıyna – 4 reıs, 397 jolaýshy, anyqtamamen - 258; anyqtamasyz - 139;
Atyraý qalasynyń áýejaıyna – 2 reıs, 100 jolaýshy, anyqtamamen - 99; anyqtamasyz - 1;
Óskemen qalasynyń áýejaıyna – 1 reıs, barlyq 5 jolaýshy anyqtamamen keldi.
Anyqtamasyz kelgen Qazaqstan azamattary kelgen jeri boıynsha karantındik statsıonarlarǵa ornalastyryldy jáne PTR-taldaý ádisimen COVID-19-ǵa testilendi. 54 adamnyń test synamasy teris nátıje kórsetti, 115 jolaýshy karantın statsıonarynda test synamasynyń nátıjelerin kútýde.
«Mysyr elinen Nur-sultan qalasyna kelgen jolaýshylardyń 50%-dan astamynda COVID-19-ǵa PTR-testten ótkeni týraly anyqtamalary bolmaǵan»,-delingen habarlamada.
