Qazaqstanǵa musylman memleketteri men Batys elderi arasyndaǵy dinaralyq, órkenıettik dıalogty damytýǵa qomaqty úles qosýǵa zor múmkindik beriledi
ASTANA. Jeltoqsannyń 2-si. QazAqparat /Rýslan Ǵabbasov/ - Qazaqstannyń dinaralyq tatýlyqty qamtamasyz etýdegi tájirıbesi kóptegen batys jáne shyǵys elderinde zerttelýde.
Bul týraly búgin Álemdik jáne dástúrli dinder basshylary sezi hatshylyǵynyń ІH otyrysynda QR Parlamenti Senatynyń tóraǵasy Qasym-Jomart Toqaev málim etti, dep habarlaıdy QazAqparat.
Kelesi jyldan bastap Qazaqstan Eýropadaǵy qaýipsizdik jáne yntymaqtastyq uıymyna tóraǵa bolatyn, sondaı-aq 2011 jyly, bizdiń elimiz Islam konferentsııasy uıymyna jetekshilik etetinin eske salyp ótken ol, «osyndaı bedeldi eki uıymǵa qatarynan basshylyq etý Qazaqstanǵa musylman memleketteri men Batys elderi arasyndaǵy dinaralyq, órkenıet pen mádenıetaralyq dıalogty damytýǵa óziniń qomaqty úlesin qosýǵa zor múmkindik beredi. Dinder arasyndaǵy ózara túsinistik men úılesimdik kún tártibindegi mańyzdy máselelerdiń biri bolmaq», dedi.
