Qazaqstanǵa «munaıdyń qarǵysy» tıgen joq - Nazarbaev
ASTANA. QazAqparat - Qazaqstanǵa «munaıdyń qarǵysy» tıgen joq, dedi QR Prezıdenti Nursultan Nazarbaev Bloomberg News aqparattyq agenttiginiń tilshilerine bergen suhbatta.
Júrgizýshiniń birinshi suraǵyna jaýap bere otyryp, QR Prezıdenti bırjadaǵy munaı baǵasynyń quldyraýy Qazaqstannyń ekonomıkasyna túsetin kiristi azaıtty degen bolatyn. Sondyqtan, agenttik tilshisi Qazaqstan munaı baǵasynyń arzandaýyna baılanysty, qandaı sharalar qoldanǵanyn surady.
«Eger de munaı, gaz sııaqty shıkizat rerýstarynyń baǵasy tússe, keıbir baı memleketter úshin qarǵys dep sanalatyn. Biraq, bizge bul áser etken joq. Sebebi, osy resýrstardan túsken qarjyny qorǵa saqtaı berdik. Keıin, ekonomıkalyq qıyndyqtar týǵan kezde, sol qordyń qarjysyn paıdalandyq», - dedi Elbasy.
Prezıdent atap ótkendeı, Qazaqstan munaı men gaz sııaqty shıkizattyń baǵasyna táýeldi bolmaý úshin, ekonomıkany ártaraptandyra otyryp, ındýstrııalandyrý baǵdarlamasyn júzege asyrdy. Údemeli ındýstrııalyq ınnovatsııalyq damý baǵdarlamasynyń alty jylynda elimizde 1100 jańa kásiporyn ashylǵan eken.
