Qazaqstanǵa Mońǵolııa Prezıdenti kele jatyr
ASTANA. KAZINFORM - 20-23 sáýir kúnderi Qasym-Jomart Toqaevtyń shaqyrýymen Mońǵolııa Prezıdenti Ýhnaagıın Hýrelsúh Qazaqstanǵa memlekettik saparmen keledi, dep habarlaıdy Aqordanyń baspasóz qyzmeti.
Joǵary deńgeıdegi kelissózder barysynda eki eldiń saıası, saýda-ekonomıkalyq jáne mádenı-gýmanıtarlyq yntymaqtastyǵyn nyǵaıtý perspektıvasy talqylanady.
22-24 sáýirde Astanada Óńirlik ekologııalyq sammıt ótedi #RES2026.
BUU aıasynda qurylǵan jańa dıalog alańynyń maqsaty – Ortalyq Azııanyń ornyqty damýyna ortaq kózqaras qalyptastyrý, klımattyq jáne ekologııalyq syn-qaterlerdi eńserýdiń birlesken sheshimin izdeý.
Jıynǵa birqatar memleket jáne úkimet basshylary, sondaı-aq halyqaralyq uıymdardyń jetekshileri qatysady.
22 sáýir kúni Prezıdent Qasym-Jomart Toqaevtyń tóraǵalyǵymen Halyqaralyq Araldy qutqarý qorynyń quryltaıshy memleketter basshylarynyń keńesi ótedi.
Osyǵan deıin Memleket basshysy Túrkııa Respýblıkasynyń Vıtse-prezıdenti Djevdet Iylmazben kezdesken bolatyn.