Qazaqstanǵa memlekettik saparmen Slovakııa Prezıdenti Ivan Gashparovıch keledi
ASTANA. Naýryzdyń 29-y. QazAqparat /Rýslan Ǵabbasov/ - Búgin Astanaǵa Elbasy Nursultan Nazarbaevtyń shaqyrýymen memlekettik saparmen Slovakııa Prezıdenti Ivan Gashparovıch keledi.
Bul týraly búgin Syrtqy ister mınıstrliginde ótken aptalyq brıfıngte atalǵan vedomstvonyń baspasóz hatshysy Іlııas Omarov málim etti, dep habarlaıdy QazAqparat.
Sapar barysynda Slovakııa Prezıdenti eki el arasyndaǵy yntymaqtastyqty damytý máselesi boıynsha jáne halyqaralyq uıymdar aıasyndaǵy ózara is-qımyldar turǵysynda el basshylyǵymen kelissózder júrgizetin bolady.
Sondaı-aq bul sapar barysynda eki eldiń iskerlik toptar ókilderiniń qatysýymen bıznes-forým ótedi. Sonymen birge ekijaqty qujattarǵa qol qoıý josparlanyp otyr.
Taratylǵan málimetterge qaraǵanda, álemdik qarjy daǵdarysyna qaramastan 2009 jyly Qazaqstan men Slovaktsııa arasyndaǵy taýar aınalymy 1 mlrd. AQSh dollarynan asyp túsken.
