Qazaqstanǵa memleket pen jeke tulǵalar arasyndaǵy daýlardy sot arqyly sheshetin sapaly jańa model kerek - M. Kópeev
ASTANA. Sáýirdiń 12-ci. QazAqparat /Qanat Mámetqazyuly/ - Qazaqstanǵa memleket pen jeke tulǵalar arasyndaǵy daýlardy sot arqyly sheshetin sapaly jańa model kerek.
Búgin QR Parlamenti Senatynda «Qazaqstan Respýblıkasyndaǵy ákimshilik ádilettiń qalyptasý máselesi» atty taqyrypqa ótken halyqaralyq konferentsııa barysynda Palata Tóraǵasynyń orynbasary Muhambet Kópeev osylaı málim etti, dep habarlaıdy QazAqparat.
«Ákimshilik ádilet aıypty tulǵalardy ákimshilik jaýapqa tartý sekildi sot óndirisin atqaryp qana qoımaýy tıis. Qazaqstanǵa memleket pen jeke tulǵalar arasyndaǵy daýlardy sot arqyly sheshetin sapaly jańa model kerek. Bul baǵytta, ıaǵnı ákimshilik ádiletti qalyptastyrýdyń alǵashqy satysynda ákimshilik ádilettiń barlyq salasyn retteıtin normatıvtik quqyqtyq aktilerdi ázirlep qabyldaý qajet. Osy maqsatta Úkimet arnaıy zań jobalaryn ázirledi. Jańa jobada ákimshilik quqyqty keńeıtý men onyń jańa qoǵamdyq qatynastaǵy áleýetin arttyrý sharalary kózdelgen»,- dedi M. Kópeev.
Onyń aıtýynsha, ákimshilik quqyq adam quqyǵyn qamtamasyz etýge qyzmet etip, buqaralyq ákimshilendirýdi retke keltirýi tıis.
