Qazaqstanǵa maınerlerdi shaqyrǵan biz emes – Bolat Aqsholaqov

NUR-SULTAN. QazAqparat – Qazaqstanǵa maınerlerdi Energetıka mınıstrligi shaqyrǵan joq. Ortalyq kommýnıkatsııalar qyzmetinde ótken brıfıngide QR Energetıka mınıstri Bolat Aqsholaqov osylaı dep málim etti, dep habarlaıdy QazAqparat tilshisi.

«Maınerlerdiń kelýi elde elektr tapshylyǵyn týyndatyp jatsa, olardy nege shaqyrdyq? Naryqtyń esigin nege ashyp berdik», -dep surady BAQ ókili Energetıka mınıstri Bolat Aqsholaqovtan.

Vedomstvo basshysy ol «shaqyrýǵa» mınıstrliktiń qatysy joq ekenin aıtty.

«Energetıka mınıstrligi elimizge eshqandaı maınerdi shaqyrǵan joq. Olardyń kelýi elektr tapshylyǵyǵyn týǵyzatynyn bilgen bolsaq, bizdiń shaqyrýymyz tipten múmkin emes edi. Óıtkeni bizdiń basty mindetimiz – elektr qýatyn úzdiksiz jetkizip otyrý», - dedi mınıstr.

Vedomstvo basshysy energetıka naryǵyna maınerlerdi shaqyrý áreketine maman retindegi kózqarasyn da bildirdi.

«Naryq ashyq qoı. Sondyqtan da kelgen shyǵar. Shaqyrýmen kelýi de múmkin. Biraq kimniń shaqyryp júrgenin men bilmeımin. Tipti shaqyryp qajet te emes pe edi?... Qalaı bolsa da, maınerler Qazaqstanda paıda boldy. Energetıka mınıstrliginiń olardy shaqyrmaǵyn anyq», - dedi Bolat Aqsholqaqov.