Qazaqstanǵa matematıka páninen 1,5 myń ustaz qajet
ASTANA. Qańtardyń 14-i. QazAqparat /Arman Asqarov/ - Búgingi tańda respýblıkamyzda matematıka páni boıynsha muǵalimderdiń tapshylyǵy 1,5 myń mamandy qurap otyr.
Bul týraly búgin Astanada ótken baspasóz máslıhaty barysynda QR Bilim jáne ǵylym mınıstrligi Orta bilim departamentiniń dırektory Nurǵalı Arshabekov málim etti, dep habarlaıdy QazAqparat.
Búgingi orta bilim berý oshaqtarynyń materıaldyq-tehnıkalyq, oqý-ádistemelik jáne kadrlyq máselelerin sheshý qajettigine toqtalǵan A.Arshabekov: «Sońǵy 2-3 jyldyń ishinde 12 jyldyq bilim berý salasy boıynsha 30 myń ustaz qaıta daıarlaýdan ótti. Osyǵan qaramastan, áli kúnge deıin bizde matematıka salasyndaǵy muǵalimderdiń tapshylyǵy 1,5 myń mamandy qurap otyr», - dedi N.Arshabekov.
