Qazaqstanǵa Máskeý jáne Búkil Rýs Patrıarhy Kırıll jumys saparymen keledi

dep habarlaıdy QazAqparat.

Jumys jospary boıynsha dinbasy Almaty áýejaıynan Qasıetti Nıkolskıı soboryna baryp, osyndaǵy dinı sharaǵa qatysady. Erteń Qasıetti Voznesensk kafedraldy soborynda bolyp, saltanatty dinı oqý sharasyn ótkizedi. Al keshkisin Abaı atyndaǵy opera jáne balet teatrynda jurtshylyqpen kezdesý ótkizbek.

Máskeý jáne Búkil Rýs Patrıarhy Kırıll bul qyzmetke ótken jylǵy qańtardyń 27-i kúni saılanǵan bolatyn. Ol 1946 jyly qarashanyń 20-sy kúni Lenıngradta ómirge kelgen. Osyndaǵy dinı semınarııany, keıin Lenıngradtaǵy dinı akademııany bitirgen. Ómir boıy din salasynda qyzmet atqarǵan.